– తెలుగుదేశంపై ఆరోపణలు చేస్తున్న జీవియల్‌ నరసింహారావు సర్పంచ్‌గా కూడా గెలువలేదు.
– తెదేపా ఎంపీ మురళీమోహన్‌
– మీలాగా భేరీ మోగించడానికి ఓ ‘జయభేరీ’ సంస్థలేదు కదా, అయినా మీరు పుట్టుకతోనే ఎంపీ అయ్యారా ?
– రాష్ట్రానికో రీతి. ఇదే ద్వంద్వ నీతి. సానుకూల స్పందన కోసం ఎదురుచూస్తున్నాం.
– ఆకాశమార్గాల భూబదలాయింపుపై నిర్మలా సీతారామన్‌కు కేటీఆర్‌ ట్వీట్‌
– మీది జిల్లాకో నీతి అని విమర్శిస్తే ఎలా ఉంటుందో ?
– దుర్గగుడిలో చీరమాయం. కేసు కాకుండా పైరవీ చేస్తున్న పాలకమండలి సభ్యుడు.
– చీరల మాయంపై పత్రికల వార్తలు
– ఇసుక, మట్టి మాయం చేసే వాళ్ళకు చీరను మాయం చేయడం పెద్ద విషయమా?
– నా కొడుకు లాడెన్‌ మంచోడు. కాలేజీలో ఎవరో మనసు మార్చేశారు.
– ఒసామాబిన్‌ లాడెన్‌ తల్లి
– మరీ అంత లాడ్‌ (గారాబం) పనికి రాదమ్మా!
– నాటి ఉద్యమ ద్రోహులే నేడు రాష్ట్ర ద్రోహులు. అభివృద్ధి నిరోధకులకు గుణపాఠం చెప్పాలి.
– మంత్రి హరీశ్‌రావు
– మీ వెంబడి మంత్రి మహేందర్‌ కూడా ఉన్నాడా? అయితే ఈ డైలాగ్‌ బాగా పేలుతుంది.
– నాకు ఇటాలియన్‌ రాదు. ఒకవేళ ఆ భాష వచ్చి ఉంటే రాహుల్‌కు ఆ భాషలోనే బదులిచ్చేవాడిని.
– భాజపా అధ్యక్షుడు అమిత్‌షా
– రాహుల్‌కి మాతృభాషలో కూడా స్వేచ్ఛ లేకుండా చేస్తారా ఏం ?
– చిప్పకూడు అన్నా రేవంత్‌కు సిగ్గురాలేదు.
– టిఆర్‌ఎస్‌ నేత పల్లా రాజేశ్వర్‌రెడ్డి
– నేటి రాజకీయాల్లో అలాంటి వాటికి స్థానం ఉందా?
– సొంత పార్టీ పెట్టుకొంటాం.
– ప్రజా గాయకుడు గద్దర్‌
– ముందు కాంగ్రెస్‌లోకి వెళ్లిన మీ కొడుకును పిలుచుకోండి !
– మత ధర్మాన్ని విశ్వసిస్తా.. కానీ నేను సెక్యులర్‌.
– ఆర్‌జేడి నేత తేజ్‌ప్రతాప్‌
– అంటే న్నాగారిని అనుసరిస్తున్నారన్నమాట..!
– కాపుల రిజర్వేషన్లపై టీడీపి, వైయస్సార్సీపీలవి డ్రామాలు.
– ఏపీసీసీ అధ్యక్షుడు ఎన్‌.రఘువీరారెడ్డి
– ఈ ‘పాపం’లో మీకు భాగం లేదనుకుంటున్నారా?
*********************************
– డా|| పి.భాస్కర యోగి
మాటకు మాట : విశ్లేషణ : జాగృతి
కామెంట్‌లు లేవు:
కామెంట్‌ను పోస్ట్ చేయండి